Eyləmə

Eyləmə

Qadir Allah, budur  səndən diləyim,

Yaxşını yamana möhtac eyləmə.

Könlümün sevincin, toyun, düyünün,

Həsrətə, hicrana möhtac eyləmə.

Qəlbimə fərəhdir elin sevinci,

Yarımçıq kəslərdən nə küs, nə inci.

Apar bu dünyadan məni birinci,

Qocaldıb cavana möhtac eyləmə.

Xəbisdən sən vəfa gözləmə belə,

Fürsət tapan kimi quracaq tələ

Aqili nakəsə, düzü qozbelə,

Əvəzi nadana möhtac eyləmə.