Onu sevəcəyəm ölənə qədər

Onu sevəcəyəm ölənə qədər

Nökərin olaram, a qonşu qızı,

Yarı-mehribandan mənə bir xəbər.

Gözümdən perikib şirin yuxum da,

Yediyim zəqqumdu, içdiyim zəhər.

Hicran yanğısına tab etmir ürək,

Bizi ayrı saldı o zalım fələk.

Düşdüm biyabana, gəzdim Məcnun tək

Boylandım yollara hər axşam, səhər.

Qoy gəlsin sinəmi əliylə yarsın

Qızıl qan tökülsün əli qızarsın.

Könlümün evini yenidən qursun,

Görünsün alnında puçur-puçur tər.

Əvəz Lələdağın qaradır günü,

Kimsəyə çatmayır sorağı-ünü

Gəlsin baxışıyla öldürsün məni,

Onu sevəcəyəm ölənə qədər.

27.04.12