Mən

Mən

Ömür keçib, yaş qarıyıb,

Dirənmişəm yoxuşa mən.

Susuzluqdan bağ quruyub,

Tamarzıyam yağışa mən.

Evdən çölə çıxammıram,

Dərdi-qəmi yıxammıram

Xeyli vaxtdır baxammıram,

Xumarlanan baxışa mən.

Gözlərimin nuru gedib,

Yaş qalıbdır, quru gedib.

Nə gedibsə, duru gedib,

Bənd olmuram çox işə mən.

Qürbət eldə Əvəz ölməz,

Vətənsizin üzü gülməz.

Ürəyimə təpər gəlməz,

Çatanmasam «Naxışa» mən

2011