Məni

Məni

Kərəm sahibləri, kərəm eyləyin,

Yaxşıyam, yamana qatmayın məni.

Ömrün qürub çağı kəsib qapımı,

Köhnə əşya kimi atmayın məni.

Mənim öz aləmim, öz yolum bəlli,

Düyünə düşübdü bəxtimin həlli.

Iş görən görürmü bir düz əməlli,

Satqına, alçağa, satmayın məni.

Lələdağ dahilər salıbdı yola,

Müştəri axtarırı hər gələn bəla.

Yanımda, yörəmdə mərd ola-ola,

Namərdlə qol-qola çatmayın məni.