Ana

Ana

Tənhalıq içində əriyir ömrüm

Yorulub həyatdan usanmışam mən.

Hərdən istəyirəm bir haray çəkim

Ölüm yatağından ayılasan sən.

Neçə illər keçib ... O vaxtdan bəri

Ürəkdə həsrətin yeri üşüyür.

Ayağı ağrılı xəstə günlərin

Gizli göz yaşımla yadıma düşür.

Az qala ürəyim sinəmdən çıxa

Dərdimi nə yaxın,nə özgə duyur.

Anasız taleyim puçdu dünyada

Anasız qızların bəxti heç olur.

Mənim sınıq qəlbim sevinmir əlbət

Könlümü oxşayan,əzizləyən yox.

Ana sevgisinə həsrətəm,həsrət

Gizli göz yaşıma dayan,deyən yox.

Kaş sənin ağrını özüm çəkəydim

Dərdini gözündən biləydim,ana.

Nazını çəkməyə yorulmayaydım

Sənin yerinə mən öləydim,ana.

İsti qucağına indi acam,ac

Daha bir kimsəyə sığınmağım yox.

Sənin sığalına möhtacam,möhtac

Başqa bir nəfəsə qızınmağım yox.

Eşit əziz ana,eşit səsimi

Sənsiz günlərimi əriyirəm mən.

Hərdən istəyirəm bir haray çəkəm

Yenidən ömrümə qayıdasan sən.

                                                                             2006 ––––– Əntiqə