Anasız Dünya
Anasız Dünya
Bağlanıbdır yollarım,
Solubdur növbaharım.
Demə fikrim,xəyalım,
Ana,səndən uzaqdır.
Sən qəlbimin sözüsən,
Yanan ürək sözümsən,
Arzumsan-diləyimsən,
Kövrək sətirlərimsən.
Ana,səndən yazmasam,
Rahat olmaz ürəyim.
Səni düşünməsəm mən,
Dolmaz heç vaxt gözlərim.
Quşlara söz qoşanda,
Qatarlaşar yol eylər.
Gözündən gözlərimə,
Damla-damla yaş axar.
Ana,sənsən dərdimdə,
Şerim də,qəzəlimdə.
Harda olsam fikirli
Dayanırsan gözümdə.
Hər vaxt yazmaqdan ötrü,
Çox darıxır ürəyim,
Səni dindirmək üçün,
Vuruşuram beyinlə.
Ana,ağlar gözümsən,
Harayımsan-ahımsan.
Gec-gündüz sönməyən.
İsti bir ocağımsan.
Комментарии
Отправить комментарий