Sözə Baxmadım
Sözə Baxmadım
Babam dedi yağıya
Fürsəti vermə, bala
Gedib özgə bağından,
Yad gülü dərmə, bala
Yad güldə ətir olmaz,
Yad gülə bel bağlama.
O səni yurdda qoysa,
Yana-yana ağlama.
Yad gülün ləçəyindən,
Paxır yağır, pas yağır.
Yad gülün əlləriylə
Başımıza daş yağır.
Başım yaman qarışdı,
Dananı verdim qurda.
Var-yoxum talan oldu,
Boylandım quru yurda.
Düşmən qəsdinə durdu ,
Tökdü günahsız qanlar.
Yurdundan, yuvasından,
Perik düşdü insanlar.
Gavur amansız oldu,
Kəsdi bəndi,bərəni.
Oğru doğruya çıxdı,
Yandırdılar görəni.
Комментарии
Отправить комментарий