Ay ana

                       Ay ana

Lal gecənin sakit çağı,

Gəl qeydimə qal ay ana.

Dözülməyir ürək dağı,

Gəl könlümü al ay ana.

Ana deyib çəkirəm ünü,

Qəm bürüyər yer üzünü.

Xəyal kimi keçən ömrü,

Az yadıma sal ay ana.

Qəmli ahlar bağlamaqdan,

Boş-gözümü dağlamaqdan.

Ana deyib ağlamaqdan,

Saçım olub ağ ay ana.

Nəğmə qoşaram eşqinə,

Həyatımı verərəm gəlişinə.

Sən də balanın eşqinə

Qalx məzardan ay ana.

Mən Əntiqəyəm,bu zilləti,

Çəkirəm ana həsrəti.

Canımda elinn həsrəti

Qalmayıbdır hal ay ana.

                                             30.12.2006.