Ömür yolu

Ömür yolu

(Nərçə Ağayevin ölümü məni sarsıltdı)

Dostlar yavaş-yavaş daşdanır, qardaş

Əcəl şərbətini içib gedirlər.

Həsrətdən əriyir daş, yanır, qardaş

Bu fani dünyadan köçüb gedirlər.

                                                              

Hicran adım deyil, soyadım deyil,

Ürəyim sərt daşdan, qayadan deyil.

Bu yolun yolçusu qayıdan deyil.

Ömür karvanını çəkib gedirlər

Bu yol davam edir məzara qədər

Taleh yazısını pozana qədər

Gedənlər içində təzə nə qədər

Dağları sinəmə çəkib, gedirlər

                     Əvəz Mahmud Lələdağ