Nə vaxt yaranacaq
Nə vaxt yaranacaq
Sənə
sualım var ey bəni adəm,
Niyə əl
çəkmirsən qandan, qadadan.
Vurursan
hər sözü qulaq ardına,
Böhtan
yağdırırsan hər zaman, hər an.
Nə vaxt
yaranacaq əmin-amanlıq,
Nə vaxt
girəcəkdi qılınclar qına.
Haçan
çatacaqdı sənə insanlıq,
Haçan
yetişəcək savaşlar sona.
Niyə istəmirsən
könüllər gülə,
Bülbüllər
məst ola meydən, məzədən.
Niyə cəhd
edirsən xar düşə gülə,
Gülün
bağrı yana bir də təzədən.
Niyə ərtimirsən
qəlbindəkini,
Günahsız
qanlardan dərya yaranır.
Niyə bəsləyirsən
qəzəbi, kini,
Torpaq
cadarlanır qanla sulanır.
Bu gün
“Haystanda” iflicdi həyat,
Bu gündən
sabaha ümid qalmayır.
Sənin
ucbatından bütün kainat,
Gecə də,
gündüz də sakit olmayır.
Yerlə
yeksan olur ulu saraylar,
Bağban
itgin düşüb bağına gəlmir.
Yanıb
külə dönür dolu saraylar,
“ATƏT”
gendən baxır yaxına gəlmir.
Söylə, nə
qazandın, ülfəti kəsdin,
Bu gün
sığındığın yer-yurd mənimdi.
Sənə üz
verdikcə astar istədin,
Mənim
qabağımda dur görüm indi.
Haqqı-ədaləti
düyünləyirsən,
Əziyyət
verirsən ana torpağa.
Sənin
olmayana mənim deyirsən,
Çörəyi
dizinin üstündə dığa.
Niyə
arzuları düyünləyirsən,
Əziyyət
verirsən bəşəriyyətə.
Dünən
dediyini bir də demə sən,
Yazıqsan
gəl qoşul bu cəmiyyətə.
Elə
düşünməki bu yalvarışdı,
Mən az çəkməmişəm
səntək zalımdan.
Sinəmdə
dağların qarış-qarışdı,
Heç vədə
dönmərəm öz amalımdan.
Sənin
göz dikdiyin cənnət Qarabağ,
Mənə Nuh
Nəbidən miras qalıbdı.
Gözümün
içinə yaxşı-yaxşı bax,
Səndən
alacağım qisas qalıbdı.
Bunu məndən
umur dərdli analar,
Gözləri
yol çəkən nişanlı qızlar.
Bunu məndən
umur günahsız qanlar,
Gərdəksiz
gəlinlər, toysuz cavanlar.
Dodağım
qaçsa da, üzüm gülməyir,
Elimdən,
obamdan uzaqlaşmışam.
Yurdumdan
şad xəbər, soraq gəlməyir,
Illərlə
kədərlə qucaqlaşmışam.
Vətənin
tozindan nurlanar gözüm,
Ürəyimdi
Vətən, canımdı Vətən.
Özüm
qalxmalıyam cihada, özüm,
Damarda
çağlayan qanımdı Vətən.
Başım əzilməmiş
çıx torpağımdan,
Çırpılsın,
pak olsun Natavan yurdu.
Nəfəsin
yox olsun Qarabağımdan,
Səni məhv
edəcək müzəffər ordu.
Комментарии
Отправить комментарий