Qabaqdadır

                                             Qabaqdadır

                                                                   nəticəm Uğurun ad gününə

Mənim göygöz Uğur balam

Şəkər balam , noğul balam

İsdəkləri nağıl balam

Ağ günlərin sabahdadır

Səni sevsin bahar yeli

Şərəfləndir bizim eli

Yaxın qoyma azğın seli

O sel səndən uzaqdadır

Bir yaşın var hələ sənin

Oğlu olmaz tələsənin

Xumar gözün , kələ sənin

Beşikdədir, qucaqdadır

Sən uşaqsan qayğın azdı

Könül bağın bahar yazdı

Bu şeri Əvəz yazdı

Dastan hələ qabaqdadır.