Ağrıma, dişim, ağrıma
Ağrıma, dişim, ağrıma
Gəl qızılın baha vaxtı
Ağrıma, dişim, ağrıma.
Dirənmə ki daha vaxdı,
Ağrıma, dişim, ağrıma.
Başlayırsan gecə yarı,
De, oyadım necə yarı?
Sən incitmə qocaları,
Ağrıma, dişim, ağrıma.
Qəlbim olub şüşə kimi,
Gözlə məni qışa kimi.
Pul istəyir diş həkimi,
Ağrıma, dişim, ağrıma.
Sənin mənə vəfan hanı,
Düşməni seç, dostu tanı.
Sən Əvəzin şirin canı
Ağrıma, dişim, ağrıma.
Комментарии
Отправить комментарий