Vaxtıdı

Vaxtıdı

Dan yerinə səda düşür,

Gülüm, şehin dürr vaxtıdı.

Sarıl mənə sarmaşıqtək,

İlhamımın gur vaxtıdı.

Qaçma məndən, ay allahım,

Səni tutar bir gün ahım,

İndi mənim nə günahım?

Saçlarımın qar vaxtıdı.

Tale yazıb səni mənə,

Möhürləyib dönə-dönə.

A bal dodaq, mərmər sinə,

Köhlənimi yor, vaxtıdı.

Baş başadır şamamalar,

Yanan mənəm, şama nə var.

Oyanmadı gülüzlü yar,

Bostançının kar vaxtıdı.