Gəlmişəm

Gəlmişəm

Zalım fələk, niyə çarxın dönmədi,

Mən binava axı zara gəlmişəm.

Yurdum, yuvam, elim, obam dağıldı,

Bu dünyaya bəxti qara gəlmişəm.

Dağların zirvəsi ağappaq qardı,

Torpağın sinəsi cadar-cudardı.

Bu yollar, irizlər beynimi yordu,

Heç bilmirəm indi hara gəlmişəm.

Düşdüm səhrəlara lələdağ oldum,

Mənfur qonşulara lələ, dağ oldum.

Şair Əvəz oldum, Lələdağ oldum,

Söz almağa bu bazara gəlmişəm.