Qaldı
Qaldı
Başı qarlı uca dağlar,
Dağlar, sizdə nəyim qaldı?!
İlk eşqimin yadigarı,
Yan tütəyim, neyim qaldı.
Ovutmayın bir də məni,
Kim sağaldar dərd əməni.
Gərdiş saldı dərdə məni,
Hansı dərdi deyim qaldı?
Yaylağında buz bulağım,
Oylağında cavan çağım.
Bülbül ötən güllü bağım,
Top dağıtmaz öyüm qaldı.
Ellər oldu bölük-bölük,
İnsaf edin, ağırdı yük.
Nə cibimdə yaman günlük,
Nə dizimdə heyim qaldı.
Комментарии
Отправить комментарий