Olmadı
Olmadı
Ay hazarat, müşkül olan dərdimi,
Kimə dedim, çarə qılan olmadı.
Mətahımı xırıd etmək istədim,
Müştəri yan keçdi, alan olmadı.
Ümid ilə xoş əməllər yaşatdım,
Bəd işlərin arxasınca daş atdım.
Dostu gördüm, ürəyimi boşaltdım,
İçimdə nə çəkdim, bilən olmadı.
O torpaqda dərin köklü daş idim,
O bağlara dil-dil ötən quş idim.
Bu çağıda qəm sursatı daşıdım,
Köç-köç oldu eldə qalan olmadı.
Bu qaydadır, qışın sonu yaz olar,
Yaxşı, yaman tarix-tarix yazılar.
Əvəz, burda dərdə şərik saz olar.
Saz da kökdən düşüb, çalan olmadı
Комментарии
Отправить комментарий