Yoxdur

Yoxdur

Bədbəxt o kəslərdir ki, vəfalı yarı yoxdur,

Yarı var, amma onun, dövləti, varı yoxdur.

Çıxsa evdən bayıra, cındırından cin hürkər,

Toya, vaya getməyə libas–paltarı yoxdur.

Qəmxanəyə getmə, sən, orda qəm daha çoxdur,

Biçarə aşiq neyləsin, qəmi var, qəmxarı yoxdur.

O kəslər ki, tutmasa candan əziz Vətəni,

Onların da namusu, qeyrəti, arı yoxdur.

Dərd-qəmsiz adam varsa, bil ki o adam deyil,

O necə bəndədir ki, dərdi, azarı yoxdur.

Çox yazarlar hələki feyziyab etmir Əvəzi,

Dostumun yadda qalan bircə əşarı yoxdur.