Məni
Məni
Hanı mənim yel qanadlı yelatım,
Qırğı kimi yalmanına əl atım.
Gəl-gəl deyir hay-haraylı elatım,
Çəkər dərgahına o dağlar məni.
A köhlənim, nal-mıxını bərk elə,
Telli sazı bağlayıram tərkinə.
Üz tutmasam el-obama ərk ilə,
Silinməz sinəmdən o dağlar mənim.
Gəl telini tumarlayım bir də mən,
Sənə ümüd bağlamışam burda mən.
Baş çəkməsəm Əvəz düşən yurda mən,
Ocaq haray salar, od ağlar məni.
Комментарии
Отправить комментарий