A görməmiş
A görməmiş
Ürəyimdə cücərtdiyim tər gülləri,
Əzib tökdün, məhv elədin cücərməmiş,
a görməmiş.
Oyuncağa çevirdin sən
Ülvi hissi, məhəbbəti.
Ürəklərin qismətini –
Etibarı sədaqəti.
Qəlbindəki ilıq nəfəs buza döndü,
Zəhər əsdi ilk eşqimin bağçasına.
Soluxuşdu səmimiyyət duyğuları.
Xəzan vurdu meyvələri yetişməmiş
a görməmiş,
Tikan sözlər bir dərd kimi üzdü məni,
Yasa batdı könül evi,
Dodağımdan düşdü yerə,
Çilikləndi incə gülüş,
a görməmiş,
Təbiətin gözəlliyi gözlərində çirkinləşdi.
Mehribanlıq neştər oldu,
Daş qəlbini dəldi, keçdi,
Şirin sevgi təbəssümü,
Dodağına düşmən oldu, qatı düşmən
Bu aləmdə bir özünü,
Bir də, bir də
Şan-şöhrəti düşündün sən,
Sinəm üstə cığır saldı,
İlan dilli böhtanların.
İlhamımın qanadına buxov vurdun,
Axşam, səhər üzə durdun,
Nə qaldı ki, üzəvarı deyilməmiş,
a görməmiş,
Məsum baxan körpəmizin gözlərində
nəm göründü,
Sodu lalə yanaqları,
Çöhrəsində qəm göründü.
Açılmadı, əli qolu
Bizim qəlblər görüşməmiş,
a görməmiş.
Mən od oldum sən sərin su,
Gözəl istək, gözəl arzu.
Hər yerişə qoyma qəmiş
A görməmiş, a görməmiş!
Комментарии
Отправить комментарий