Gəlmədin

Gəlmədin

Yollara baxmaqdan gözüm yoruldu,

Ülkər doğdu, dan söküldü, gəlmədin.

Kimlər nəzər saldı, qarğadı bizi

Torpağıma qan töküldü, gəlmədin.

Ömür keçdi, yaş qarıdı, əl əsdi,

Gülşənimə afat adlı yel əsdi.

Dəli könlüm görüşünə tələsdi,

Saç ağardı, bel büküldü, gəlmədin.

Didəm nurdan düşdü, dizim töcətdən

Bir əsər qalmadı o məhəbbətdən,

Qurtara bilmədim dərddən, möhnətdən,

Bu sinəmə dağ çəkildi, gəlmədin.

Yağı düşmən yurdumuza yeridi,

Qara bulud üstümüzü bürüdü.

Əvəz, canın qürbət eldə çürüdü

Gorgahında turp əkildi, gəlmədin.

27.09.2007