NEYLƏDİN?

               NEYLƏDİN?

Sındırdın könlümü, ay zalım qızı,

Vurdun ürəyimə yara, neylədin?

Kəsdi qapımızı, ömrün payızı

Bələdin saçını qara, neylədin?

                 

Bir gün öləcəkdir, bir gün doğulan

Mənəm bu gərdişdə dərdi dağ olan

Haqqın gərdişində haqqı boğulan

Günahı olmayan yara, neylədin?

Yalvardım-yaxardım baxmadın sözə,

Atdıq özümüzü alova-közə,

Gileydən-güzardan nə qaldı bizə,

Eylədin günümü qara, neylədin?

Keçdi ömür-günüm, keçdi ələmli

Yarandım, yaşadım gözləri nəmli

Köçdü bu dünyadan Əvəz də qəmli

Qılmadın dərdinə çara, neylədin?