Bilmirəm

          Bilmirəm

Eşqin odu yerli-dibli sönübdü,

Bir də gülüm, yanar, yanmaz bilmirəm.

Məhəbbətin üzü bizdən dönübdü,

Bizə sarı dönər,  dönməz bilmirəm.

Ürəyimin qalmayıbdır təpəri,

Cavanlığın yönü düşməz ta bəri.

Mən çoxdan əl eyləyir o pəri,

O, dərdimi qanar, qanmaz bilmirəm.

Çox sahədə açılmayıb hələ sirr,

Bel bükülüb, diş tökülüb, əl əsir.

Yazıq Əvəz  o zirvəyə tələsir,

Qarlı dağda donar, donmaz bilmirəm.