Eyləmə
Eyləmə
Qadir Allah, budu səndən diləyim,
Yaxşını yamana möhtac eyləmə,
Könül sevincinin, toyu, düyünü
Həsrətə, hicrana möhtac eyləmə.
Qəlbimə bəzəkdir elin sevinci,
Yarımçıq kəslərdə nə küs, nə inci.
Apar bu dünyadan məni birinci,
Qocaldıb cavana möhtac eyləmə.
Xəbisdən sən vəfa gözləmə belə,
Fürsət tapan kimi quracaq tələ,
Aqili nakəsə, düzü qozbelə,
Əvəzi nadana möhtac eyləmə.
Комментарии
Отправить комментарий