Bulaq

              Bulaq

       

Ana təbiətin sərin şərbəti,

Ayrıla bilmirəm buz dodağından.

Səndədir eşqimin gücü, qüdrəti,

Şirindir dodağın qız dodağından.

Gəl kənar eyləmə əmin özündən,

Gözlərim nur alır durna gözündən.

Əyilib öpəndə ayna üzündən

Süzülür qəlbimə söz dodağından.

Ürəkdən vurulub Əvəz hüsnünə,

Tapılmaz dünyada Əvəz hüsnünə.

Öpüb dodağından qoy dönə-dönə,

Qalsın dodağımda iz dodağından.