Azərbaycan özü qədər əbədi

Azərbaycan özü qədər əbədi

Gözümüzü açıb–yumuruq, illər sürətlə keçir elə bil. Artıq ulu öndərimizin vəfatından beş il keçdi. Beş il bundan əvvəl hər gün çıxışlarına qulaq asdığımız, tövsiyyələrini eşitdiyimiz, azərbaycançılığı yaşadan, dövlətimizi, dövlətçiliyimizi möhkəm təməl üzərində quran ümummilli liderimiz əbədiyyətə qovuşdu. Heydər Əliyevin aramızda olmaması bizi sarsıtsa da, dövlətin etibarlı əllərdə olması xalqımızı toxtatdı, ruhdan salmadı…

 Azərbaycan xalqının, nəhəng türk dünyasının böyük oğlu, görkəmli dövlət xadimi, ümummilli lider, ulu öndər Heydər Əlirza oğlu Əliyevin doğma Azərbaycanımızın siyasi taleyindəki əvəzsiz, danılmız xidmətləri tarixçilərin, siyasətçilərin, yazıçıların, jurnalistlərin, ziyalıların üz tutduqları, bu gün, sabah və əsrlər boyu müraciət edəcəkləri  həmişəyaşar, əbədi mövzulardan biridir. Müasir Azərbaycan dövlətinin xilaskarı, qurucusu və memarı olan dahi şəxsiyyət, bacarıqlı rəhbər, uzaqgörən sərkərdə öz xalqının, millətinin keçmişinə hədsiz məhəbbəti, gələcəyinə dərin inamı ilə milyonlara örnək olan fədakar, yorulmaq bilməyən, azərbaycançılıq ideyalarını öz çiyinlərində gələcəyə daşıyan Vətən oğlu kimi, torpağa bağlı bir insan kimi yaddaşlarda yaşayacaq ulu öndər Heydər Əliyev öz xalqını, millətini, millətin mənəvi dəyərlərini, milli adət-ənənələrini ürəkdən sevir, hər bir Azərbaycan vətəndaşının xoşbəxt həyatı, rahat dolanışığı və sabitliyi üçün yorulmadan çalışırdı. Onun ölkəyə rəhbərlik etdiyi dövrlərdə qəbul etdiyi qərarlar, imzaladığı fərmanlar və sərəncamlar bütövlükdə xalqımızın daha parlaq gələcəyinə, işıqlı sabahına, firavan həyatına yönəlirdi. Azərbaycan 1969-cu ildən başlayaraq cənab Heydər Əliyevin rəhbərliyi ilə elə bir sosial-iqtisadi inkişaf yolu keçmişdi ki, dünyanın bir çox ölkələrində bu cür inkişaf üçün on illər, yüz illər lazım gəlirdi. Ötən əsrin 70-ci illərində Azərbaycanda bütün sahələrdə gözə çarpacaq dərəcədə faydalı işlər görüldü. İstər təhsildə, istər səhiyyədə, istər mədəniyyətdə, istər sənayedə, aqrar sahədə görülən işlər dediklərimə tutarlı sübutdur.

        Heydər Əliyev ədəbiyyatşünas, musiqişünas, xalqşünas, tarixşünas, təsərrüfatşünas, sənayeşünas və ordu quruculuğunun banisi idi. Sovet ittifaqı kimi nəhəng bir dövlətin zəngin iqtisadi potesialından, geniş imkanlarından istifadə edərək Azərbaycanı tərəqqi yoluna çıxaran ulu öndər Heydər Əliyev yeni mütərəqqi sənaye sahələrinin yaradılması istiqamətində mühüm tədbirlər həyata keçirirdi.

        Elmi-texniki tərəqqinin naliyyətlərinin, mütərəqqi texnologyaların istehsalatda tətbiqi respublikanın bütün SSRİ-də qabaqcıl yerlərdən birinin tutulmasına, ölkənin sosial iqtisadi siyasi həyatında yeni-yeni naliyyətlər əldə etməsinə imkan verirdi. Həmin illərdə Bakıda,Gəncədə,Naxcıvanda və digər şəhərlərdə inşa olunan iri fabrik və zavodlar, neft maşınqayırması, məişət kondisionerləri zavodu, elektrik mühərrikləri zavodu, elektromaqnit avadanlığı, soyuducular, sintetik kaucuq, boruyayma, şüşə, şüşə qablar zavodu və s.

        Heydər Əliyevin qətiyyəti, iradəsi və təşəbbüskarlığı ilə belə strateci əhəmiyyətli iri müəssisələr  məhz Azərbaycanda inşa olunurdu.

        Heydər Əliyev işlədiyi illərdə Kommunist partiyasına sədaqətlə xidmət etmişdir. Lakin 1987-ci ildən başlayaraq kommunist reciminə olan inam zəiflədi və 1990-cı ildə tamam qırıldı. Kommunist partiyasının, sovet sisteminin çürüklüyü, haqsızlığı, ədalətsizliyi Heydər Əliyevin baxışlarını dünya görüşünü tamamilə dəyişdi. 1990-cı il yanvarın 21-də Moskvadakı daimi nümayəndəliyinə gəlməsi böyük cəsarət, qətiyyət tələb edirdi. Diplomatik nümayəndəliyə gəlməzdən əvvəl ulu öndər çox götür-qoy etdi. Fikrini ailə üzvlərinə bildirdi. O, düşünürdü ki, onun bu gedişindən ailəsi, övladları ziyan çəkə bilərdilər. Lakin ulu öndərin övladları onunla həmrəy oldular, onunla birlikdə daimi nümayəndəliyə gəldilər. Həmin vaxt İlham Əliyev görünməmiş bir cəsarət etdi. İşini, cəmiyyətdəki mövqeyini vətəndaşlıq borcuna qurban verdi.

        1991-ci ildə fevralın 5-də Azərbaycan SSRİ-nin yeni çağırış Ali Sovetinin birinci sesiyasındakı tarixi çıxışı Sovet dövlətinin, Kommunist partiyasının yaxın vaxtlarda tarixin səhnəsindən silinəcəyindən xəbər verirdi.

        1991-ci ildə mart ayının 7-də Azərbaycan Ali Sovetinin sesiyasındakı çıxışı. Müttəfiq respublikaların müstəqillik qazanacağını əvvəlcədən görməsi onun uzaqgörənliyini göstərirdi və xalqı bu hadisələrə hazır olmağa çağırırdı. Heydər Əliyev kommunist partiyası sıralarını tərk etdi. Naxçıvan Muxtar Respublikası birinci olaraq Sovet İttifaqının tərkibindən çıxdı, yeni dövlət bayrağı qəbul edildi. 1918-ci ildə AXC-nin təsis etdiyi üçrəngli bayraq Naxçıvan Muxtar Respublikasında dalğalandı. Heydər Əliyev bəşər tarixində 20-ci əsrin ən böyük tarixi şəxsiyyətidir. Heydər Əliyevə qədərki bütün tarixi şəxsiyyətlərdə olan yüksək keyfiyyətlər Heydər Əliyevdə də var idi. Lakin Heydər Əliyevdə elə xüsusi keyfiyyətlər var idi ki, o xüsusiyyətlər tarixi şəxsiyyətlərin heç birində olmayıb.

İmtizamlılıq, çalışqanlılıq, dözümlülük, ədalətlilik, əməksevərlilik  onun xarakterik xüsqsiyyətlərindən idi. Ulu öndər Heydər Əliyev möhkəm intizamı sevirdi. Ümummilli liderimiz əmin idi ki, intizam olmayan yerdə anarxitya höküm sürər.

Anarxiyanı, intizamsızlığı biz 1990-1991-1992-ci illərdə gördük, hadisələrin canlı şahidi olduq. Dəstəbazların, qanunu pozanların, qanunsuz silah saxlayanların başımıza gətirdikləri bəlanın ağrısını hələ də çəkirik. Özbaşınalıq həm orduda, həm küçədə, həm də məhəllələrdə baş alıb gedirdi. İndiki siyasi sabitlik, sakitlik, intizamın möhkəmlənməsi bizi anarxiyadan xilas etdi. Həmin vaxt ürəyimdən keçənləri misralara çevirdim.

Sülhün təməl daşını yurdumuzda sən qoydun

Millətə həyat verdin, ağlın kəsdiyi gündən

Dünyanı dərdə salan fəlakətə son qoydun,

Qasırğadan, borandan hünərlə çıxdı Vətən.

Sən bizi xilas etdin köləlikdən, qamçıdan,

Üzümüzə açıldı kainatın qapısı.

Ulduzlar səpələndi, yerlər oldu çıraqban

Açıldı könüllərdə toy-büsatın qapısı.

Cəsarətsən elimin yorulmayan qolunda,

Şirindil körpələrin dodağında nəğməsən.

Bir əbədi mayaksan azadlığın yolunda

İnsanlığa bəxş etdin sevinc, gülüş, nəğmə, sən.

Qəlbinin hərarəti istidir günəş qədər,

Ümmanlar tək coşğunsan, bərəkətsən torpağa.

O qadir əllərinlə nələr etmədin, nələr?

Kamalınla bir əsr Vətən düşdü qabağa.

Ulu öndər qətiyyətli idi. Ən çətin məqamlarda, qorxulu anlarda qətiyyət göstərirdi, özünü itirmirdi. Hiss və həyəcanlarını daxilində boğa bilirdi. Məqsədinə nail olmaq üçün dünyanın bütün sirlərinə vaqif olan dörd şeyə- hikmət, ağıl, təmkin və ədalətə arxalanırdı. Möhkəm yaddaş sahibi idi. Demək olar ki, gördüklənini, oxuduqlarını olduğu kimi yadında saxlayırdı.

Riçard Armitac deyirdi:- Heydər Əliyevin ölümü ilə sanki dünya bir az kiçildi.

        Tarixi şəxsiyyət, mahir siyasətçi Heydər Əliyevin sağlığında bizim hamımız üçün bir Heydər Əliyevimiz var deyirdik. Bu gün isə Azərbaycan xalqının hər birinin qəlbində, hər bir evdə, hər bir ailədə bir Heydər Əliyev yaşayır və dünya durduqca yaşayasaqdır. 2003-cü ildə oktyabrın 1-də ulu öndərimiz, ümummilli liderimiz Heydər Əliyevin Azərbaycan xalqına müraciəti də dahı şəxsiyyətin uzaqgörənliyndən xəbər verirdi.

«Üzümü sizə, həmvətənlərimə tutaraq qarşıdan gələn prezident seçkilərində prezidentliyə namizəd, mənim siyasi varisim, YAP-ın sədrinin birinci müavini İlham Əliyevi dəstəkləməyə çağırıram. O, yüksək intellektli, praqmatik düşüncəli, müasir dünya siyasətini və iqtisadiyyatını gözəl bilən, enercili və təşəbbüskar bir şəxsiyyətdir. Sizi əmin edirəm ki, həm İlham Əliyev, həm də YAP bundan sonra da xalqımızın ən layiqli övladlarını öz ətrafında sıx birləşdirərək Azərbaycan Dövlətinin inkişafı, xalqımızın firavanlığı yolunda çox işlər görəcəklər. İnanıram ki, mənim axıra çatdıra bilmədiyim tale yüklü məsələləri, planları, işləri sizin köməyiniz və dəstəyinizlə İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm»-deyən, xalqının xoşbəxt gələcəyinə zəmanət verən, o dahi şəxsiyyətin ümidlərini, ulu öndərimizin layiqli davamçısı cənab İlham Əliyev tam doğrultdu. Cənab İlham Əliyev prezident seçildiyi gündən ölkəmizdə sosial-iqtisadi yüksəlişə, hüquqi dövlət və vətəndaş cəmiyyəti quruculuğu prosesinə layiqli töhvələr verməyə başladı, bu gün Azərbaycanı regionun lider ölkəsinə çevirdi. Ölkənin bütün regionlarında dünya standartlarına cavab verən yeni müəsisələrin, qurğuların, yeni yaşayış binaların, yolların, elektrik stansiyalarının, idman komplekslərinin, təhsil, səhiyyə ocaqlarının istifadəyə verilməsi, işsizlik səviyyəsinin aşağı salınması, iş yerlərinin açılması, körpülərin tikilməsi və s. Cənab İlham Əliyevin verdiyi vədlərə əməl etməsinin bariz nümunəsidir. Bütün bunların hamısına görə biz ümummilli liderimiz Heydər Əliyevə borcluyuq. O, möhkəm təməl qoymuşdur. Heydər Əliyevin qoyduğu möhkəm təməli onun siyasi kursunun ldayiqli davamçısı, möhtərəm prezidentimiz İlham Əliyev daha da möhkəmləndirir, xalqı xoşbəxt gələcəyə uğurla aparır.

                                                      Ən ucqar kəndlərimiz

Necə gözəl görünür,

Nur selinə qərq olub

Gecə gözəl görünür

Asfalt döşənmiş yollar

Küçə gözəl görünür.

Hər tərəf gül qoxuyur,

Qönçə gözəl görünür

Çiçəklərin ləçəyi  

İncə, gözəl görünür.

Parklar da ayrı aləm,

Məncə gözəl görünür.

Bakı, Şəki, Naftalan

Gəncə gözəl görünür.

Hansı səmtə baxırsan,

Üç rəngli bayrağımız

                                                    Uca, gözəl görünür.

                                                    Əyilməyən, sınmayan

Qoltuğa sığınmayan

Bir ər oğlu ərdi o.

Bir ümiddi, inamdı.

Bu qüdrətli gənc insan

Heydər oğlu İlhamdı.

Əvəz Mahmud Lələdağ