Ay bulud
Ay bulud
Ay bulud, ay bulud bir dayan görüm,
Sən hansı yaylaqdan
köçüb gəlirsən.
Hicranın əlindən zara gəlmişəm,
Bəlkə şəfa yolu seçib gəlirsən.
Durub seyr edirəm səni bayaqdan,
Bəxtimin ulduzu nurlanıb
haqdan.
Bəxtəvər başına, Arzubuluqdan
Əyilib doyunca içib gəlirsən.
Ay bulud, ay bulud bir az nəfəs dər,
Söylə Arxalıdan mənə şad xəbər.
Muştuluq verərəm istəyin qədər,
Desən ki, o dağdan keçib gəlirsən.
Söylə yerindəmi o Sandıqqaya,
Deyirlər Qoçdaşı atıblar çaya.
Savalan eşidib gəlməyib
haya,
Sən də qəm karvanı çəkib gəlirsən.
Ay bulud, ay bulud məni də götür,
Qaldır ulduzların içində itir.
Yazıqdır Əvəzi Ağdüyə yetir,
Desinlər min əzab çəkib gəlirsən.
Комментарии
Отправить комментарий