Dağların

        Dağların

Payız olcaq zirvəsini qar alar,

Döyər təpəsini dolu dağların.

Yaşıl donlu yaylaqları saralar,

Boşalar sinəsi dolu dağların.

Gözəlləri barxanalar bağlayar,

Bulaqları həzin-həzin çağlayar,

Çeşmələri yasa batıb ağlayar,

Xiffətindən bükülər beli dağların.

Əvəz, dərs almadın sən Ələsgərdən,

Sərrafı olmayan baş açmaz zərdən

Arif ol, yazdığın zay olar birdən,

Qəlbinə toxunar ulu dağların.