Görmüşəm
Görmüşəm
Könül, bəmdə dayan çəkmə çox zilə,
Zildən bəmə enənləri görmüşəm.
Atını oynatma belədən belə,
Çərxi geri çönənləri görmüşəm.
Aqil kəslər sətir-sətir deyiblər,
Od kökünün üstə bitir – deyiblər.
Ağır otur, batman gətir – deyiblər,
Hərzə-hərzə dinənləri görmüşəm.
Yaxşı-yaman gəlib keçir vaxt belə,
Gəl öyünmə qismət belə, bəxt belə.
Bu dünyanın gərdişinə bax belə,
Yana-yana sönənləri görmüşəm.
Əvəz, elin pisliyinə can atma,
Acı sözlə ürəkləri qanatma.
Yaxşılığı, haqqı sanı unutma,
İlqarından dönənləri görmüşəm.
Комментарии
Отправить комментарий