Mənə təzə şeir verin

Mənə təzə şeir verin

Mənə təzə şeir Verin,

Od nəfəsli,

Sabir səsli,

İki qəlbin döyüntüsü,

Vüsalı tək şirin olsun.

Duyğuları gül qoxulu,

Piyaləsi şehlə dolu,

Dağ laləsi,

Dağ havası,

Buz bulaqlar suyu kimi

Sərin olsun.

Mənə təzə şeir verin

Misraları çiçək-çiçək

Ürək açan,

Qəlbə yatan,

Uca dağdan,

Sətr qayadan

Axıb gələn dağ çayı tək

Daşqın olsun,

Müşfiq kimi coşğun olsun,

Mənə təzə şeir verin,

İlk mayası zəhmət olsun,

Ülfət olsun,

Qeyrət olsun,

Məhəbbətdən yoğurulsun