Mənəm

Mənəm

Eşq  bəla olsa da, məlhəmdir cana.

Eşqin əzabıyla inləyən mənəm.

Göyün günəşisən gözümdə, inan,

Şirin söhbətini dinləyən mənəm.

Niyə biganəsən mənə, ey nəri,

Yükləmə könlümə bu dərdi-səri 

Dirilik suyudur eşqin zəhəri,

Ver içim, zəqquma bal deyən mənəm.

Əvəz Lələdağı gəl üzmə daha,

Allaha xoş getməz verdiyin cəfa.

And olsun açılan məsum sabaha,

Məhəbbət önündə baş əyən mənəm.

13.06.2010