Nədir

Canı buz baltası olan oğlana,

Əlli nədir, altmış nədir, yüz nədir,

Sənin kimi igid, cavan oğlana

Dərə nədir, təpə nədir, düz nədir?

Mən yansam ötüşər, Vətən yanmasın,

Vətənin eşqiylə yetən yanmasın.

Çalış ki, iş üstə «atan» yanmasın

Ocaq nədir, alov nədir, köz nədir?

Şəvə saçlarında tək-tək dən gəzər,

Vüqarlı dağlarda duman, çən gəzər.

Gənclik səndən uzaqlaşar, gen gəzər,

Duyammarsan qarı nədir, qız nədir?

Əvəz ürəyini buz kimi saxla,

Çiçəkləri oxşa, gülləri qoxla.

Qayıdıb boş keçən illərə baxma,

Sanalama payız nədi, yaz nədi.

Evez Mahmud Leledag