Bəyənmədim

     Bəyənmədim

O gün sizə gəldim,gülüm

Qapınızı döyəmmədim.

Hicran kəsdi qabağımı,

İncimədim, deyinmədim.

Yoxdur daha məndə dözüm,

Ömür keçir,canım, gözüm.

Ürəyimdə qaldı sözüm,

Sənə bir söz deyəmmədim

Görəmmədim o gün səni,

Kim unudar, de kim səni.

Səndən başqa bir kimsəni,

Bu mahalda bəyənmədim.

Tale məni çəkir dara,

Ağ günlərim olub qara.

And içirəm düz ilqara,

Sənsiz bir an öyünmədim.

Bu gərdişdə qismətə bax,

İlk eşqimə əsdi sazaq.

Dərdin alım, Ay lələdağ,

Umduğunu yeyəmmədin.