Bir ürəyin içində

Bir ürəyin içində

Allah, məni bədnəzədən sovuşdur.

Pərvazlanım gül-çiçəyin içində

Allah, məni sevgilimə qovuşdur,

Ömür sürək bir ürəyin içində.

Pərvanə tək vurulmaram hər şama,

Dan söküldü günəş çıxdı qarşıma.

Inam ilə saf tum əkdim pərşuma,

Bir istəyin, bir diləyin içində.

Ay insafsız, Əvəz kimi yar hanı?

Ocaq sönüb, külü qalıb, qor hanı?

Çardaq uçub, o gördüyün var hanı?

Itib-batdın, sərt küləyin içində.