Oxu

Oxu

Allah yay qurtardı, payıza qaldıq,

Sabahdan qapıya qanlı qış gəlir.

Bəxtimin düyünü açılmır hələ,

Hara boylanıram, ordan daş gəlir.

Ay daş atan bəxtəvər,

Daşın da bir vaxtı var.

Daş atan, bilirəm kimdir ustadın,

Onun başı boşdu, ağlı dayazdı.

Sənin bu tamahın, bu tərs inadın,

Başına çırpılan ağır qapazdı.

Artıq tamah daş yarar,

Daş qayıdıb baş yarar.

A qonşu, sən niyə yolunu azdın,

Yolunu azanlar düşür yarğana.

Mən sənin adını dəftərə yazdım,

Yazdım ki möhtacsan bircə yorğana.

Özün-özünə elədin,

Külü gözünə elədin.

Sən hələ həvəslə duza gedirsən,

Duzdan qayıdanda halına bax bir.

Özün də bilmirsən sən nə edirsən,

Sənin arzuların əbəsdir, “Axper”

“Axper” aşına-aşına,

Çıxdın ocaq başına.

Yaman qarışıbdı dünyanın işi

Sinəmə tuşlanıb namərdin oxu.

Qisməti hər yerdən üzülən kişi

Oxu, acqarına, hey mahnı oxu,

Yes kezi qurban,

Sirun hayıstan!