Bilmirəm

Bilmirəm

Eşqin odu yerli-dibli sönübdü,

Bir də gülüm, yanar-yanmaz, bilmirəm.

Məhəbbətin məndən üzü dönübdü,

Mənə tərəf dönər-dönməz, bilmirəm.

Ürəyimin qalmayıbdı təpəri,

Cavanlığın yönü düşməz ta bəri.

Mənə çoxdan əl eyləyir o pəri,

O dərdimi qanar, qanmaz bilmirəm.

Çox sahədə açılmayıb hələ sir,

Diş tökülür, bel bükülür, əl əsir.

Yazıq Əvəz o zirvəyə tələsir,

Qarlı dağda donar donmaz, bilmirəm.