Şahdağı

                  Şahdağı

Şahdağını ağ görmüşəm həmişə,

Çarşabı  ağ , cunası  ağ , donu  ağ.

Bizdən qabaq salam verir Günəşə,

Zirvəsi  ağ, sinəsi  ağ , yanı  ağ,

Dəmir atı çapdım dağın başına,

Heyran oldum torpağına daşına.

Ağ lələklə vəsmə çəkib qaşına,

Bəyaz tülə bürünübdü canı  ağ.

Xizəkçilər yal yenişə millənir,

Səmənd atlar göy üzündə yellənir.

Sədəfli  saz sinəm üstə dillənir

Pətəkərin dalağı  ağ , şanı ağ