Gəlmədi

                                          Gəlmədi

Gözüm yolda qaldı ,qulağım səsdə,

Bəs səhər gedənim, niyə gəlmədi.

Həsrətin çəkməkdən olmuşam xəstə,

Hayladım ,hayladım  haya gəlmədi.

Günəşdən soruşdum, aydan soruşdum,

Dənizdən soruşdum, çaydan soruşdum.

Bahardan soruşdum, yaydan soruşdum,

Batdı yerə, çıxdı göyə ,gəlmədi.

Sabah-sabah sərin mehdə əsdi hey,

Hicran məni qılınc kimi kəsdi hey.

Harayladım neçə yaxın dostu hey,

Qıy vurdum aləmə, qıya gəlmədi.

Yaş qarıdı, ömür keçdi a zalım,

Hey çalışdım səndən kammurad az alım.

İnsafdır mı yana- yana a zalım,

Əvəz  Kördü,zalım vaya gəlmədi.