Qayıtmaz

Qayıtmaz                                 

          55 illik dostum Qurbanın əziz xatirəsinə

Qurban dostum idi, sirdaşım idi,

Getdi əziz dostum, bir də qayıtmaz.

Halıma yananım, qardaşım idi,

Dözdü dözülməyən dərdə, qayıtmaz.

Neçə döngələrdən keçdi Qurbanım,

Əcəl şərbətini içdi Qurbanım.

Vətən deyə-deyə köçdü Qurbanım,

Sevdiyi torpağa, yurda qayıtmaz.

Hicran ürəyimə xal saldı getdi,

Həsrət sinəm üstdən yol saldı, getdi.

Ayrılıq boynuma qol saldı, getdi,

Qaldı həmişəlik burda, qayıtmaz.

Vətən deyə-deyə yumdu gözünü,

Içində yaşatdı Vətən sözünü.

Axtardı Maldaşı, Havızdüzünü,

Salındı araya pərdə, qayıtmaz.

Müqəddəsdir doğma yurdun hər daşı,

Burda yoxdu nə payızı, nə qışı.

Yanağından şırım açdı göz yaşı,

Qoydu bu qisası yerdə, qayıtmaz.

Tay tuşum həyatdan daşdanır, artıq,

Ahımdan odlanır, daş yanır, artıq.

Əcəl mənə tərəf tuşlanıb, artıq,

Kəssə qabağını ordu, qayıtmaz.

Yazıq Əvəz, məşərəcən yan indi,

Uçan çardağındı, tarımar yanındı.

Buza dönən damardakı qanındı,

Lələdağı qoydu darda, qayıtmaz.

08.06.2015