ŞİKAYƏT

                                           ŞİKAYƏT

Oğul tanıyıram ata yolunda

Şam kimi alışıb yanıbdı, şair

Oğulda görmüşəm şöhrət naminə

Doğma atasını danıbdı şair

Qocalar evində zarıyır ata

Qar tək altdan-altdan əriyir ata

İçini dərd yeyir, çürüyür ata

Züryətin sərt üzü dönübdü şair

Haramla oturan,haramla duran

Kasıbın olmayan qanını soran

Zəiflər yanında bığını buran

Özünü “qəhrəman” sanıbdı, şair

Kim ona öyrədib elə yerişi

Pulsuza pulunu göstərməz kişi

Əvəz Lələdağın qolaydı işi

Onun  bəxt ulduzu sönübdü, şair

                                                                          26.09.2014