Sən Vətənin oğlusan

Sən Vətənin oğlusan

Sən Vətənin oğlusan,

Doğma anandır Vətən.

Hər dərdinə, sərinə,

Qəlbən yanandır Vətən.

Can qoy Vətən yolunda

Vətən qurban gözləyir.

Qaçıb sandığa girmə,

Əcəl səni izləyir.

Bu vəfasız dünyanın,

Öz qurusu, öz yaşı.

Çiçəklənib tacında,

Gilələnib  göz yaşı.

Heç bir ümid gözləmə,

Bu imansız dünyadan.

Bir gün əlin çixacaq,

Bu amansız dünyadan.

Bu dünyanı beşəlli,

Tutanlara bir də bax.

Haram pulla bəzənən,

Dəbdəbəli yurda bax!

Bir könül də sındırma,

Nə qədər ki, dirisən.

Ədaləti quyanan,

Yüz oğuldan birisən.

Varı-karı olanlar,

Möhtac olub yorğana.

Göz oxşayan saraylar

Uçub dönüb yarğana.