Mən niyə inciyim

Mən niyə inciyim

Bu gərdişin yüz əyrisi, bir düzü,

Bu dünyanın əzabıdır hər üzü.

Qulpdan düşüb bənövşəsi, nərgizi,

Mən niyə inciyim, mən niyə küsüm.

Mən özüməm özgələrlə nə işim,

Nuzuladan qalmayıbdı bir dişim.

Xoş keçməyib nə baharım, nə qışım,

Mən niyə inciyim, mən niyə küsüm.

Yaşadığın ömür sənə bəs eylər,

Nadan kəslər hər kəlməni söz eylər.

Əcəl gəlib yaxınlıqda səs eylər,

Mən niyə inciyim, mən niyə küsüm.

Qalmaqalla gəlib çatdım səksənə,

Dərd yükümü yükləyiblər tək sənə.

Ağır yüngül ay Lələdağ çəksənə,

Mən niyə inciyim, mən niyə küsüm.

2015