Yadında varmı

Yadında varmı

Çoxdandır getmirəm o dağlara mən,

Ovçunun bərəsi yadında varmı.

Ayağı xınalı, dili nəğməli,

Kəkliyin fərəsi, yadında varmı.

Necə şirin idi uşaqlıq çağı,

Dolanıb gəzirdik dərəni, dağı.

Ey mənim qatığı, nehrəmin yağı,

Qoyunun kərəsi yadında varmı.

Yadımdan çıxmayır dağların adı,

Sinəmi yandırır, bir həsrət odu.

Getmir damağımdan yarpızın dadı,

Ağdüzün tərəsi yadında varmı.