CƏNNƏT BAĞI

CƏNNƏT BAĞI

Qardaş olmusan mı, Cənnət bağında

O güzarı vəsf etməyə il gərək

Gözəlliyi sətir-sətir yazmağa

Kağız gərək, qələm gərək, əl gərək

Orda gördüm pota-pota ayılar

Maralların görən harda tayı var

Qartalların vahiməli qıyı var,

Zooparkda nərildəyə şir gərək

Qələm hanı, bəbir hanı, şir hanı.

Öz qəfəsi haraylayır aslanı

Azadlığa buraxıblar dovşanı

Dovşan üçün çəmən gərək, çöl gərək

El- oba tanınır Babadağıyla

Yamaclar öyünür buz bulağıyla

Dəvə  məzələnir öz daylağıyla

  Onlara baxasan neçə yol gərək

Dağ havası müşkü-ənbər qoxuyur,

Gözəlləri gözəl çələng toxuyur.

Hər budaqda şeyda bülbül oxuyur

O nəğməni dinləməyə el gərək