Evez Mahmud Leledag

        Gördüm Mən bu gecə yuxuda, Kəndimi duman gördüm. Nənəmin ağısında, Fırtına, tufan gördüm. Güllərin ləçəyində, Laxtalanmış qan gördüm. Daş-daş üstə qalmayan, Yurdumu talan gördüm. Xaraba kalafada, Sürünən ilan gördüm. Bağının bəhrəsini, Dərməyən bağban gördüm. Sürüsünü itirmiş, Dərd çəkən çoban gördüm. Tarlaları zəmisiz, Heşansız xırman gördüm. Suyu başdan sovulmuş, Susuz dəyirman gördüm. Ayağında qandalaq, Günahsız insan grdüm. Nə bircə can yandıran, Nə bircə həyan gördüm. Yarama məlhəm qoyan, Təbibsiz loğman gördüm. Üç yüz evli kəndimi Dağılmış, viran gördüm. Şükürlər olsun haqqa Nahaqqı batan gördüm. Yurdumda baş qaldıran, Hayqıran oğlan gördüm. Bu qisas yerdə qalmaz, Deyən-qəhrəman gördüm. Çıxdım sərin yaylağa, Şaxta gördüm, qış gördüm. Odu sönmüş ocaqda, Yarı hisli daş gördüm. Öz isti yuvasından, Perik düşmüş quş gördüm. Çiçəklərin gözündə, Gilələnmiş yaş gör...

Xoş gedər Kipriyimlə süpürərdim, Yollarının tozunu. Pişvazına çıxardım, Elin gözəl qızının. Kaş ki biləydim onun Keçidini, yolunu. Gül, çiçəyə tutardım, Yolun sağı solunu. Ayaqyalın gəzərdim, Inan, Tikanlıdağı. Gözlərimə təpərdim, Əli dəyən yarpağı. Könül versəydi mənə, Gülşəndə gül əkərdim. Qəlbi şad olsun deyə, Sinəmdən yol çəkərdim. Məhəbbət də, sevgi də, Torpağa səcdə edər, Sevgi ürəkdən olsa, Əvəzə də xoş gedər.

             Məndən de Aşıq Ulduz Sönməzə hərbə-zorba Aşıq Ulduz, çox güvənmə özünə, Bir özündən desən, beş də məndən de. Yazda, yayda başın işə qarışır, Payızda məndən de, qışda məndən de. Sazın-sözün sərrafıyam axı mən, Bu peşənin azı sənsən çoxu mən. Düz hədəfə tuşlamışam oxu mən, Bir cüt şamama var döşdə məndən de. Güllər açar bahar ilə, yaz ilə, Göllər dolar ördək ilə, qaz ilə. Evdə danış o sədəfli saz ilə, Təvəqqə edirəm, işdə məndən de. Eşqin əl çatmayan hasarı məndə, Gövhər mücrüsünün açarı məndə. Fərhadın külüngü, düsəri məndə, Durmaz qabağımda daş da, məndən de. Bəzi sənətkarlar həddi aşıbdı, Səbir kasam silələnib daşıbdı. Yaddaşım azalıb, ağlım çaşıbdı, Qalmayıb zənnimdə huş da, məndən de. Mən qocayam, sən cavansan, ay Ulduz, Heyran-heyran sənə baxır Ay, Ulduz. Canıma od saldın, ay can alan qız, Məclisdə oturum başda, məndən de. Saçlarına həna q...

                                 Həsrət duyğuları Salam Qaragüney, köhnə oylağım, Gəlmişəm mamırlı daşını öpəm. Qoynunda əriyib cavanlıq çağım, Gəlmişəm çovğunlu qaşını öpəm. Səndə bir gözələ könül vermişəm, Könlüm o günləri yenidən andı. Canıma od salan güllərin hanı? Səni qəmli gördüm ürəyim yandı. Kəkliyin ,turacın didərgin düşüb, Bildirçin perikib geri qayıtmır. Niyə bəxtimizə qəzəb, kin düşüb, Niyə gedənlərin biri qayıtmır. Qaya kölgəsində sərinləyərdim, Malı qaytarmağa özüm gedərdim. Onda zərrə qədər yo idi dərdim, Oturub o qızla söhbət edərdim. Necə ülvi idi o söz, o söhbət, Nə söhbət qutarır, nə gün batırdı. Bizi ağuşuna alan məhəbbət, Girib gözümüzdə şirin yatırdı. Səndə uşaqlığım, gəncliyim qaldı, Səndən ilham aldım, səndən güc aldım. Bozqaya dibində dincliyim qaldı,...

                                  İlahi Əlim ətəyindən asılı qaıb, Kəsirsən özün kəs, özün, İlahi. Boynum qoltuğuna qısılı qalıb, Getdikcə azalır daözüm ,İlahi Mən sənin sayəndə dünyaya gəldim, Bələndim, büküldüm, ağladım, güldüm. Böyüyə-böyüyə gücünü bildim, Yanında ağ oldu üzüm,İlahi. Əlim eldən çıxıb, ünüm dağlardan, Hər gün sızıldayır canım dağlardan. Göstər kərəmini enim dağlardan, Doymayır həyatdan gözüm, İlahi Qayıdan cahana yenidən gələm, Heç vədə əlimdən düşməsin qələm. Neçə dastan yazıb söyləməliyəm. Nə qədər qatlanmır dizim, İlahi. Hər vədə yek versə umum zərdən, Sinələr xalidir incidən, zərdən. Əvəz Lələdağam,salma nəzərdən, Sənə öyrənibdi üzüm , İlahi.

                            Necədi? Yenə yada düşdü bizim tərəflər Ya Rəbb,Arzubulaq görən nücədi? Solub Çiçəklinin gülü çiçəyi Xamdan əsər yoxdu, örən necədi? Çıxmır xəyalımdan kahaqabağı, Hacının xımanı, Hacının bağı. Yollara boylanır, İşiqlıdağı! Qəmərat necədi, Kürn necədi? İndi kim otarır Yağlıgüneyi, Xançoban çalırmı o gözəl neyi? Nənəm itiribdi Telli ineyi, Dağlar çən-dumandı, aran necədi? Vətənin eşqiylə ucaldı Əvəz, Vətəndən cəsarət ,güc aldı Əvəz. Qərib- qürbət eldə qocaldı Əvəz, Şair, qocalıqla aran necədi?

Görüm (nəticəm Altaya) Hələ körpə uşaqsan, Dərddən, qəmdən uzaqsan. İstəkli əziz balam, Vicdanı təmiz balam. İndi keçim mətləbə, İlk gedirsən məktəbə. Ağıl yoldaşın olsun, Kitab sirdaşın olsun. Dərsini yaxşı oxu, Səndən öyrənsin çoxu. Özünə özüm qurban, Sözünə sözüm qurban. Səni hər an şən görüm, Hər yanı gülşən görüm. Görüm kefi çağ səni, Sevir Lələdağ səni.                                                                                          25.08.2017

                                          Əvəzdən Əvəzə tövsiyə Budur ilk tövsiyəm, sənə əzizim, Sadiq ol, layiq ol doğma Vətənə. Sən Vüqar bəxş elə, mənə əzizim Ağıla arxalan, uyma yetənə, Sadiq ol, layiq ol doğma Vətənə! Ağlın gül kimidir, kamalın duru, Təmizdən təmizdir könül lövhən də. Sən yeniyetməsən gözümün nuru, Kamillik boy atır həvəslə səndə, Təmizdən təmizdir könül lövhən də. Hikmətli söz desəm mən sənə indi, Qədrini bilmərsən onun sən hələ. Söz var ki mənası xeyli dərindi, Onu dərk etmədən verərsən yelə, Qədrini bilmərsən onun sən hələ. Sən altun qızılsan, xalis sikkəsən Gözəllik önündə nökərəm, qulam. Sənin varlığınla fəxr edirəm mən, Sən necə gözəlsən, ağıllı balam, Gözəllik önündə nökərəm, qulam. Arzumdur – gül açsın a...

                              Olub Yollara göz dikdim illərdən bəri, Gözüm həsrət qalıb indi nura da. Bu geden karvanlar qayıtmır geri, Hələ qaysaqlamır dərin yara da. Özümü çox vurdum alova ,oda, Dünyada qalırmış dünyanın malı. Ötüb keçənlər salanda yada, Yamanca qarışır könlümün halı. Mən vurğun olmuşam bir təmiz ada, Yaxşı insanlardan aldım yaxşı dərs. Bir insaf görmədim fani dünyada, Var-dövlət  yığmaq da əbəsdir, əbəs. Vətən qarşısında , xalq qarşısında, Alnım açıq olub, üzüm ağ olub. Gecəli-gündüzlü fikir, xəyalım, Elim- obam olub, Qarabağ olub. İgidlik ən gözəl addır insana, Varlılar varını sovurmaz göyə. Paxıllıq eləmək ziyandır cana, Onun səbəbini soruşma , niyə? Mənasız işlərdən uzaq olmuşam, Özündən deyənlər pürkamal deyil. Elin keşiyində ərd dayanmışam, Biclik, dələduzluq yaxşı hal deyil. Artıq haqlayıbdı məni qocalıq, Ağsaqqal olm...

                                              Qabaqdadır                                                                    nəticəm Uğurun ad gününə Mənim göygöz Uğur balam Şəkər balam , noğul balam İs d əkləri nağıl balam Ağ günlərin sabahdadır Səni sevsin bahar yeli Şərəfləndir bizim eli Yaxın qoyma azğın seli O sel səndən uzaqdadır Bir yaşın var hələ sənin Oğlu olmaz tələsənin Xumar gözün , kələ sənin Beşikd...

Qürbətdə qalan yaylaq Tale mənə qanaq taxa, Uçam, gedəm o yerlərə. Baxam, görəm necədirlər, Əhməddibək , Daşıldərə. Qarıyarıq, Qızılboğaz Ala göllər yerindəmi. Ay dəli Kür, ay xan Araz Bizim ellər yerindəmi. Əriməzim , Əyriqarım, Sizə gələn ellər hanı. Quşəppəyim , qulamçarım, O ətirli güllər hanı. Şəhər –şəhər salam verəm, Buzovyala, Ağbulağa. Şehli- şehli çiçək dərəm, Tək-tək düzəm buxağa. O sərin su,loğman hava, Ayrı düşüb el obadan. Ova çıxmır Ütük baba, Nə dovşan var, nə dəqaban. Düşmən düşmür şər atından, Böcək belə dəymir gözə. Qorxusundan yer altından, Göbələkdə çıxmır üzə. Sarıyoxuş, palantökən, Yağı dirənib yoxuşa. Çəkiləcək bu duman, çən, Gözlə , gələcəm görüşə. Mən duz kimi yalıyacam, Üçtəpəni, göbəkdaşı. Ox olacam, atılacam.   Müddahıya,yada qarşı. Qoşun olub qoşulacam, Qılıncyala, Qoşundaşa. Yağılara dərd olacam, Son qoyacam, bu savaşa.